އާމަހި

އާމަހި ވެބްސައިޓަކީ، ޕްރޮސިކިއުޓަރ ޖެނެރަލްގެ އޮފީހުގައި ދުވަހުން ދުވަހަށް ކުރާ، މައިގަނޑު ހުރިހާ މަސައްކަތަކާބެހޭ މަޢުލޫމާތު، އާންމުންނަށް ބެލޭނޭ އިންތިޒާމު ހަމަޖެއްސުމަށް ތައްޔާރުކުރި ވެބްސައިޓެކެވެ. ކޮންމެ ދުވަހަކު، ތަޙްޤީޤީ އިދާރާތަކުން ޕީޖީ އޮފީހާ މަޝްވަރާކުރާ މައްސަލަތަކާއި، އޮފީހުން ކޯޓަށް ހުށަހަޅާ މައްސަލަތަކާއި، ކޯޓުގައި މައްސަލަ ތާވަލުކުރާ ގޮތާއި، މައްސަލަތައް ނިމޭ ގޮތާބެހޭ ހުރިހާ މަޢުލޫމާތެއް ވެބްސައިޓުން ފެންނާނެއެވެ. އެމަޢުލޫމާތުތައް، ކޮންމެ 6 ގަޑިއިރަކުން އެއްފަހަރު އަދާހަމަ ކުރެވެމުންދާނެއެވެ. ވެބްސައިޓަށް މަޢުލޫމާތު ނަގަނީ، ޕީޖީ އޮފީހުގެ ކޭސްމެނޭޖްމަންޓް ސޮފްޓްވެއަރއިން އޮޓޮމެޓިކުން ކަމަށްވާތީ، މިއީ، ވަކި މީހަކު ނުވަތަ ބަޔަކު ބޭނުންވެގެން، ވަކި ގޮތަކަށް ބަދަލު ކުރެވޭނެ މަޢުލޫމާތެއްވެސް ނޫނެވެ.