ޕްރޮސިކިއުޓަރ ޖެނެރަލްގެ އޮފީސް

ތ. ވިލުފުށި ، މޫނިމާގެ ، އާދަމް ޢަދްލާން ލަޠީފްގެ މައްޗަށް ތުހުމަތުކުރެވުނު މައްސަލައިގެ ތަޙުޤީޤު ނިންމައި 5 މޭ 2026 ދުވަހު ދިވެހި ފުލުހުންގެ ޚިދުމަތުން މައްސަލަ މި އޮފީހަށް ހުށަހަޅާފައިވެއެވެ. މައްސަލައިގެ ލިޔުންތައް ދިރާސާކުރިއިރު ، ދަޢުވާކުރެވޭ މިންވަރަށް ހެކި ޤަރީނާ ލިބިފައިވާކަމަށް ނުފެންނާތީ ، ދަޢުވާ ނުކުރުމަށް ނިންމައި މައްސަލަ އަނބުރާ ދިވެހި ފުލުހުންގެ ޚިދުމަތަށް ފޮނުވާފައިވާނެއެވެ. މި އޮފީހުން މައްސަލަ އަނބުރާ ފޮނުވާލުމާ ގުޅިގެން ދިވެހި ފުލުހުންގެ ޚިދުމަތުގެ ފަރާތުން މި އޮފީހުގެ ނިންމުން މުރާޖަޢާކޮށްދެއްވުމަށް އެދި ހުށަހެޅުމުން، މައްސަލަ މުރާޖަޢާކުރުމަށް ހިނގާ މުއްދަތުގައި، މައްސަލާގައި ދަޢުވާކުރުމަށް ޤާނޫނުގައި ކަނޑައެޅިފައިވާ މުއްދަތު ހަމަވާނެތީ އެކަމަށް ރިޢާޔަތްކޮށް، އާދަމް ޢަދްލާން ލަޠީފްގެ މައްޗަށް 2 ދަޢުވާއެއް ކުރުމަށް 19 މޭ 2026 ދުވަހު ކްރިމިނަލް ކޯޓަށް ހުށަހަޅާފައިވާނެއެވެ. އެ ދަޢުވާތަކަކީ: 1 . ޤާނޫނުލްޢުޤޫބާތުގެ 246 ވަނަ މާއްދާގެ ދަށުން، އެނގިހުރެ ކޮމްޕިއުޓަރ ސިސްޓަމެއްގައި ކުޑަކުދިންގެ އޮރިޔާން ކާޑު ބެހެއްޓުން. 2. ޤާނޫނުލްޢުޤޫބާތުގެ 622 ވަނަ މާއްދާގެ ދަށުން އޮރިޔާން ކާޑު ގެންގުޅުން. މި ދަޢުވާތައް ކޯޓަށް ހުށަހަޅާފައިވާނީ ދަޢުވާކުރުމުގެ މުއްދަތު ހަމަވާތީ އެވަގުތު ދަޢުވާކުރުމުގެ ފިޔަވަޅު ނާޅައިފިނަމަ، ފަހުން ދަޢުވާއެއް ކުރުމުގެ ފުރުޞަތު ޤާނޫނީ ގޮތުން އެއްކޮށް ބަންދުވާނެތީއެވެ. އެގޮތުން، ކޯޓަށް ހުށަހެޅުމަށްފަހު ދަޢުވާތައް މުރާޖަޢާކޮށް، އަންނަނިވި ސަބަބުތަކަށްޓަކައި ދަޢުވާތައް އިތުރަށް ކުރިއަށް ނުގެންދިއުމަށް ނިންމައި، ކޯޓުން އަނބުރާ ގެނެސްފައިވާނެއެވެ. 1. މި މައްސަލާގައި އާދަމް ޢަދްލާން ލަޠީފް ގެ މައްޗަށް ކުރެވުނު މައިގަނޑު ތުހުމަތަކީ ކުޑަކުދިންގެ އޮރިޔާން ކާޑު ވިއްކުންކަމަށްވީނަމަވެސް ، އެފަދަ އެއްޗެއް މީނާ ވިއްކައި ވިޔަފާރިކުރިކަން، ނުވަތަ އެހެން މީހަކަށް ފޮނުވިކަން ނުވަތަ އެފަދަ ނެޓްވޯކަކާ ގުޅުމެއް އޮތްކަން އެނގޭނެ އެއްވެސް ހެއްކެއް ހޯދިފައި ނުވެއެވެ. 2. މި މައްސަލާގައި ގިނަ ޑިޖިޓަލް ޑިވައިސްތަކެއް ފުލުހުންގެ ބެލުމުގެ ދަށަށް ގެންދެވިފައިވީނަމަވެސް ، އޭގެ ތެރެއިން ގިނަ ޑިވައިސްތަކަށް އާދަމް ޢަދްލާން ލަޠީފް ޒިންމާ ކުރުވޭ މިންވަރަށް ހެކި ލިބިފައިނުވެއެވެ. 3. އާދަމް ޢަދްލާން ލަޠީފްއާ ގުޅުވައިލެވޭ ޑިވައިސްތަކުން އޮރިޔާންކާޑު ފެނިފައިވީ ނަމަވެސް ، އެއީ ކުޑަކުދިންގެ އޮރިޔާންކާޑުކަން ސާބިތުކޮށްދެވޭ މިންވަރަށް ހެކި ހޯދިފައި ނުވެއެވެ. ނަތީޖާއެއްގެ ގޮތުން ކޮމްޕިއުޓަރ ސިސްޓަމެއްގައި ކުޑަކުދިންގެ އޮރިޔާން ކާޑު ބެހެއްޓުމުގެ ދަޢުވާ ކުރިއަށްގެންދެވޭކަށް ނެތެވެ . 4. މައްސަލާގައި ލިބިފައިވާ ހެކިތަކަށް ބަލާއިރު، އާދަމް ޢަދްލާން ލަޠީފްގެ މައްޗަށް ކުރިއަށްގެންދެވެން އޮތް ހަމައެކަނި ދަޢުވާއަކީ އޮރިޔާންކާޑު ގެންގުޅުމުގެ ދަޢުވާއެވެ. ޤާނޫނުގައި އެ ކުށަށް ކަނޑައެޅިފައިވާ އަސާސީ އަދަބަކީ 1 މަހާއި 6 ދުވަހަށް ޖަލަށްލުން، އަދި ކުށަށް ކަނޑައެޅޭނެ އެންމެ ކުޑަ އަދަބަކީ 9 ދުވަހަށް ޖަލަށްލުންކަމަށްވާއިރު، އާދަމް ޢަދްލާން ލަޠީފް ތަޙުޤީޤު މަރުޙަލާގައި ބަންދުގައި 28 ދުވަސް ހޭދަކޮށްފައިވާތީ، ދަޢުވާ ސާބިތުވާ ޙާލަތުގައި ކުށަށް ކަނޑައެޅެން އޮތް އަދަބުން ތަޙުޤީޤު ބަންދުގައި ހުރި މުއްދަތު އުނިކުރުމުން އިތުރަށް ތަންފީޛްކުރާނެ އަދަބެއް ނޯންނާނެތީ، މި ދަޢުވާ އިތުރަށް ކުރިއަށްގެންދިއުމުގެ މަޞްލަޙަތު އޮތްކަމަށް ނުފެނުނީއެވެ.

މިއޮފީހަށް ބޭނުންވާ އޭއައި ހަރޑްވެއަރ އަދި ޑޭޓަރ ސެންޓަރ އިންފްރަސްޓްރަކްޗަރ ސަޕްލައިކޮށް އިންސްޓޯލްކޮށްދޭން ފަރާތެއް ހޯދުމަށް

ޕްރޮސިކިއުޓަރ ޖެނެރަލްގެ އޮފީހުގެ ޑިޖިޓަލް ޓްރާންސްފޮމޭޝަން މަޝްރޫޢު، "ޕީޖީއޯ 2.0" އިފްތިތާޙްކުރުން

ކުންފުނީގެ ވަކި ޤާނޫނީ ޝަޙުޞިއްޔަތާއި ފަރުދީ ޒިންމާ

ކުޑަކުދިން ކުށަށް ހުށަހެޅޭ މިންވަރު މަދުކުރުމަށްޓަކައި ކޮށައިދިން ފުރަތަމަ މަގު

މަރުގެ ޙުކުމް ނިހާއީކަން ކަށަވަރުކުރުން – ޕްރޮސިކިއުޓަރ ޖެނެރަލް ވ. އަދުޙަމް މުޙައްމަދު