ކުޑަކުދިންނަށް ޖިންސީގޯނާ ކުރާ މީހުންގެ ދަފްތަރު (247)

މިއީ، ޤާނޫނު ނަންބަރު 12/2009 (ކުޑަކުދިންނަށް ޖިންސީގޯނާކުރާ މީހުންނާމެދު ޚާއްޞަ އުޞޫލުތަކަކަށް ޢަމަލުކުރުމުގެ ޤާނޫނު) ގެ 57 ވަނަ މާއްދާގެ ދަށުން، ޗައިލްޑް އެންޑް ފެމިލީ ޕްރޮޓެކްޝަން ސަރވިސް (ސީ.އެފް.ޕީ.އެސް) އިން ޝާއިޢުކުރާ ލިސްޓެވެ. މިލިސްޓުގައި ހިމެނޭ، މީހާ ހުރި ތަނާބެހޭ މަޢުލޫމާތު އަދާހަމަ ކުރާނީ ސީ.އެފް.ޕީ.އެސް އިންނެވެ. އެހެން މަޢުލޫމާތުތަކަކީ، ޕްރޮސިކިއުޓަރ ޖެނެރަލްގެ އޮފީސް (ޕީޖީ އޮފީސް) އިން ފޯރުކޮށްދެއްވުމުން، ސީ.އެފް.ޕީ.އެސް އިން ޝާއިޢުކުރާ މަޢުލޫމާތެވެ.

ޕީޖީ އޮފީހުން ފޯރުކޮށްދެއްވާ މަޢުލޫމާތު ބިނާކޮށްފައިވަނީ، މައްސަލަ ނިމުނު ގޮތާބެހޭ ގޮތުން ޝަރުޢީ ކޯޓަކުން ދީފައިވާ ލިޔުމެއްގެ މައްޗަށެވެ. މައްސަލައެއްގައި ޙުކުމް ކޮށްފައިވީނަމަވެސް، އެޙުކުމް ލިޔުމުން ނުލިބޭހާ ހިނދަކު، އެމައްސަލައެއްގެ މަޢުލޫމާތެއް ސީ.އެފް.ޕީ.އެސް އަށް ނުފެންނާނެއެވެ. ޙުކުމް ނުވަތަ މައްސަލަ ނިންމި ގޮތާބެހޭ ލިޔުން ލިބޭ ވަގުތު، އެ މަޢުލޫމާތު ޝާއިޢުކުރުމަށްޓަކައި ސީ.އެފް.ޕީ.އެސް އަށް، އޮޓޮމެޓިކުން ފެންނާނެއެވެ.