ޢުންޞުރުގެ 9 ވަނަ ޢަދަދު

ޕީޖީއޯ 2.0 ގެ ދަށުން ޕްރޮސިކިއުޓަރ ޖެނެރަލްގެ އޮފީހުގެ މަސައްކަތްތައް މުޅިން ޑިޖިޓައިޒްކޮށް، އޮފީހުގެ މަސައްކަތުގައި ޕްރޮސިކިއުޝަން މަސައްކަތަށް ޚާޢްޞަ ސޮވްރިން އޭއައި ބޭނުންކުރަން ފެށޭނެއެވެ. އަދި މި އޮފީހުގެ ކޭސް މެނޭޖްމަންޓް ސިސްޓަމްގެ ތެރެއަށް އޭއި އިންޓަގްރޭޓްކުރެވޭނެއެވެ.  

ޕީޖީއޯ 2.0 އާ ގުޅޭ އެންމެހައި މަޢުލޫމާތު މި އޮފީހުގެ ވެބްސައިޓުން ލިބިވަޑައިގަންނަވާނެއެވެ.  ޕީޖީއޯ 2.0 ލޯންޗުކުރުމަށް ބޭއްވި ޙަފްލާގައި، މި އޮފީހުގެ އައު ވެބްސައިޓު pgo.mv ލޯންޗުކޮށްފައިވެއެވެ.  އަދި މި އޮފީހުން ރައްޔިތުންނާއި، ދައުލަތުގެ އިދާރާތަކަށް ދޭ އެންމެހައި ޚިދުމަތްތައް ޑިޖިޓަލްކޮށް ލިބޭގޮތަށް ތަޢާރަފްކޮށްފައިވާ އީ-ދޮރޯށި ރަސްމީކޮށް ލޯންޗްކޮށްފައިވެއެވެ. 

މީގެ އިތުރުން ޤާނޫނު ނަންބަރު: 11/2022 (ހެއްކާބެހޭ ޤާނޫނު) ގެ މައްޗަށް ޕްރޮސިކިއުޓަރ ޖެނެރަލްގެ އެކަޑަމީން ލިޔެ ޝާއިޢުކޮށްފައިވާ ފޮތް، "އެވިޑެންސް - އަ ޕްރެކްޓިޝަނަރސް ގައިޑް" ފޮތް ނެރެފައިވެއެވެ. މި ފޮތް ނެރެދެއްވީ ދިވެހިރާއްޖޭގެ އުއްތަމަ ފަނޑިޔާރު އޮނަރަބަލް ޢަބްދުލްޣަނީ މުޙައްމަދެވެ. 

ދިވެހިރާއްޖޭގެ ސުޕްރީމް ކޯޓުގެ ނަންބަރު: 2026/SC-A/09 (ޕްރޮސިކިއުޓަރ ޖެނެރަލް ވ. މުޙައްމަދު) ޤަޟިއްޔާގެ ނިންމުމުގައި، ހެކި ރައްކާތެރިކުރުމުގެ އަމުރުގެ ދަށުން ރައްކާތެރިކުރެވޭ ލިޔުންތައް ކޯޓުގައި ބަލައި ދިރާސާކުރުމުގެ އިންތިޒާމު ހަމަޖެއްސުމަށް ކޯޓުތަކަށް ދަތިވާނަމަ، ކަނޑައެޅޭ ހަރުދަނާ އުޞޫލުތަކާއި، ޝަރުޠުތަކާއެކު ޕްރޮސިކިއުޓަރ ޖެނެރަލްގެ އޮފީސް ނުވަތަ ކޯޓަށް ޤަބޫލުކުރެވޭ ދައުލަތުގެ އިދާރާއެއްގައި އެ އިންތިޒާމު ހަމަޖެއްސުމަށް އެންގުމުގެ އިޚްތިޔާރު މައްސަލަ ބައްލަވާ ފަނޑިޔާރަށް ލިބިގެންވާކަމަށް ބަޔާންކޮށްފައިވެއެވެ.

ކުންފުންޏަކީ އަމިއްލައަށް ޢަމަލުކުރުމުގެ ބާރު ލިބިފައިވާ ފަރާތަކަށް ނުވާތީ، ކުންފުނި ހިންގަނީ އިންސާނުން މެދުވެރިކޮށެވެ. ކުންފުނީގެ ޤާނޫނީ ޝަޚުޞިއްޔަތަކީ ވިޔަފާރިއަށް ދީފައިވާ އިމްތިޔާޒަކަށް ވީނަމަވެސް، މަކަރާއި ހީލަތް ހެދުމަށް ނުވަތަ ޣައިރުޤާނޫނީ ކަންކަމުގައި ކުންފުނީގެ ނިވަލުގައި ތިބެގެން ޢަމަލުކުރާނަމަ، ޤާނޫނުން އެކަން ހުއްޓުވައެވެ. މި ގޮތުން ކުންފުނީގެ ބޭރުފުށުގެ ސިފަ ނުވަތަ ޤާނޫނީ ބިތުފަންގި ނަގައި، އޭގެ ފަހަތުގައި ތިބި މީހުން ޒިންމާދާރު ކުރުވުމަށް [ކުންފުނީގެ ފަރުދާ ކަޝްފުކުރުން] (Piercing the corporate veil) އޭ ކިޔެއެވެ.

އާންމު ޖިނާއީ ކުށްތައް ސާބިތުކޮށްދޭންޖެހޭ މިންގަނޑަކީ އެކަށީގެންވާ ޝައްކެއްނެތް މިންގަނޑެވެ. ނަމަވެސް، މީހެއްގެ މައްޗަށް މަރުގެ އަދަބު ކަނޑައެޅޭނީ އެއްވެސް ޝައްކެއް ނެތް މިންވަރަށް ކުށް ސާބިތުވުމުންނެވެ. އެ އަދަބު ތަންފީޒު ކުރެވޭނީ އިސްތިއުނާފު ތިން މަރުޙަލާ ފުރިހަމަކުރުމަށްފަހުގައެވެ. ދަށު ކޯޓަކުން ޖިނާއީ ކުށެއްގެ އަދަބެއްގެ ގޮތުން މީހަކު މެރުމަށް ޙުކުމްކޮށްފިނަމަ، އެ ޙުކުމަކީ ނިހާއީ ޙުކުމެއްކަން ކަށަވަރުކުރުމަށްޓަކައި މި އޮފީހުން އެ މައްސަލައެއް މަތީ މަރުޙަލާގެ ކޯޓުތަކަށް ހުށަހެޅުން ޤާނޫނުލްޢުޤޫބާތުގެ 1204 ވަނަ މާއްދާގެ (އ) އިން ލާޒިމުކުރެއެވެ.

ގެވެށި އަނިޔާގެ ގިނަ ހާދިސާތަކެއް ދެމިއޮންނަނީ "މިއީ ހަމައެކަނި މިފަހަރު ވީކަމެއް" ކަމަށް ގަބޫލުކުރެވޭ ނުރައްކާތެރި ގަބޫލުކުރުމެއްގެ މައްޗަށެވެ. އަނިޔާ ލިބޭ ގިނަ ފަރާތްތަކުން އުއްމީދުކުރަނީ އަނިޔާ ހުއްޓޭނެ ކަމަށެވެ. އަނިޔާކުރާ މީހާ އިސްލާހުވާނެ ކަމަށެވެ. ނަމަވެސް، ތަޖުރިބާ އާއި ޖިނާއީ އަދި ޢާއިލީ ޢަދުލުގެ ނިޒާމުގެ ދާއިރާގެ ދިރާސާތަކުން ދައްކާ ހިތްދަތި ހަގީގަތަކީ، ރިޕޯޓް ނުކުރެވި ހުންނަ އަނިޔާތައް ތަކުރާރުވުމާއި އޭގެ ނުރައްކާތެރިކަން އިތުރުވުމުގެ ފުރުސަތު ބޮޑުކަމެވެ.